Back

مصر القديمه - مصر. مصر القديمه هى مصر وحضارتها و ثقافتها اللى اتشكلت زمان فى منطقة وادى النيل فى شمال شرق افريقيا. قدماء المصريين هما المصريين القدام ، عنصر ..



                                               

المملكه القديمه

المملكة القديمة هو مصطلح بيقصد بيه العلما بتوع المصرولوجيا الفترة اللى امتدت من سنة 2686 -2134 و اللى حكم فيها مصر ملوك الاسره التالته و ولحد نهاية الاسرة الساتة.

                                               

القدس القديمه

بيتقال ان تاريخ القدس القديمه بيرجع للقرن الخمستاشر قبل الميلاد و فى التاريخ التوراتى كانت عاصمة الملك داود و ان ابنه سليمان بنى فيها هيكله المعروف بـ هيكل سليمان. استرجعت مجدها بعد ما الامبراطور قسطنطين الاول اعتنق المسيحيه. فتحها المسلمين سنة 638 و اخدوها من البيزنطيين و غزاها الصليبيين فى 15 يوليه 1099 وقت الحمله الصليبيه الاولى و بقت عاصمة مملكة بيت المقدس اللى كانت بتضم مدن تانيه منها عكا و يافا و غيرها. استردها المسلمين تانى على ايد صلاح الدين الأيوبي فى 2 اكتوبر 1187 ، و وقعت فى ايد الامبراطور فريدريك التانى عن طريق اتفاقية سلام مع الملك الكامل و استردها المسلمين تانى على ايد السلطا ...

                                               

الالهه المصريه القديمه

النترو المصريه القديمه كانو كتير و منهم اللى اتعرف فى كل مصر زى امون و اوزوريس. لكن مركز عبادة نتر معين من عشرات النترو كان موجود فى اماكن معينه و كانت كل منطقه او مدينه ليها نتر معين. بعد ما اتوحدت مصر تحت حكم ملك واحد ايام الملك مينا ، ظهر نوع جديد من النترو هو نتر الدوله الرسمى ، اللى كان بيكون في الاصل معبود محلى بيرتفع مقامه بإرتفاع المقام السياسى لأقليمه فكانت عبادته بتتفرض على كل المصريين. بنا المصريين معابد من الحجر للالهه بتاعتهم كأنها بيوت بيسكنوا فيها بتتحط فيها تماثيلهم المقدسه و بتتقدم لهم فيها القرابين و بتتعمل لهم فيها الطقوس اليوميه و الاحتفالات الدينيه. نترو الدوله كانت بت ...

                                               

نحات

النحت كان من الفنون القديمه و كان موجود فى كل الحضارات القديمه المعروفه ، و بالذات فى الحضارات المتوسطيه زى مصر و اليونان و الامبراطوريه الرومانيه القديمه. فى مصر النحت موجود فى التماثيل بكل الاحجام من التماثيل الصغيره اللى قد الكف للتماثيل الكبيره زى تمثال رمسيس التانى اللى كان فى ميدان رمسيس فى القاهرة او التماثيل الكبيره اللى قدام المعابد ، و اللى منها منحوت فى كتله صخريه زى فى ابو سمبل و تمثال ابو الهول الموجود قدام اهرامات الجيزه.

                                               

مهندس معمارى

افكار العماره الاساسيه اللى اتطبقت من الاف السنين لسه بتستخدم فى البنا الحديث على شكل طرازات كتيره بتتأثر بالمناخ و الموارد الطبيعيه و طرق المعيشه و مدى تقدم الذوق الفنى و الحضارى. من الطرازات المعماريه المشهوره العماره المصريه القديمه و العماره اليونانيه القديمه و العماره الرومانيه و العماره القوطيه و غيرها.

مصر القديمه
                                     

مصر القديمه

مصر القديمه هى مصر وحضارتها و ثقافتها اللى اتشكلت زمان فى منطقة وادى النيل فى شمال شرق افريقيا.

قدماء المصريين هما المصريين القدام ، عنصر ميديترينيانى بحر متوسطى دخلوا منطقة وادى النيل فى العصور القديمه و استقروا فيها حوالين نهر النيل و اسسو حضارة عظيمة عمرها اكتر من خمس-ت-الاف سنة. الحضارة دي بدات تقريا سنة 3150ق ع ح بعد توحيد شمال و جنوب مصر فى دولة واحدة مركزية استمرت شامخة لمدة تلات-ت-الاف سنة.

عدا تاريخ مصر القديمة ب تلات مراحل استقرارالمملكة القديمة و المملكة الوسطانية و المملكة الحديثة و فترات انهيار قصيره بين المراحل التلاتة دي.بعد انهيار المملكة الحديثة دخلت مصر فى حالة انهيار مستمرةاتميزت بالاحتلال الاجنبي لارض مصر.

انتهى حكم الفراعنة رسمى لمصر سنة 31ق ع حبعد معركة اكتيوم البحرية اللى انهزمت فيها كليوباترا ملكة مصر و اخر الفراعنة و بعديها احتل مصر و حولوها لاول مرة فى تاريخها لمجرد مقاطعة او اقليم تابع الامبراطورية الرومانية.

ازدهرت الحضارة المصرية القديمة بسبب سيطرة المصريين على الطبيعة اللى حواليهم، يعني لما مثلا قدروا يطوروا نظام الري، كان عندهم فايض كبير جدا فى الحبوب و المحاصيل اللى امن لمصريين القدام درجة من الاستقرار الاجتماعي و التطور و الابداع الثقافي. الغنا و الاستقرار الاجتماعي مكن الادارات المصرية من الصرف على مشاريع كبيره زي استخراج المعدان من وادي النيل و الصحراء اللى حواليه، اختراع الابجدية الهيروغليفيه ، تشييد المعابد و القصور و المقابر و الاهرامات، ازدهار التجارة من الشعوب المجاورة، تكوين جيش قوي و هزيمة اعداء مصر. كل دا كان دليل على مستوى التطور اللى وصل ليه المصريين القدام وخصوصا طبقة الكتاب و القادة الدينيين و الاداريين اللى كانوا بيشتغلوا فى تناغم تحت الحكم القوي للفراعنة اللى كانوا بدورهم رمز لوحدة المصريين القدام بشكل عام.

المصريين القدام اسسوا حضارة و تركو للبشرية كلها تراث عظيم لسة لحد دلوقتي محل تقدير كل العالم.

الدراسات الحديثه اللى عملوها علما المصرولوجيا فى جامعة اكسفورد بإستخدام "كربون 14 "على عينات من الاثار المصريه القديمه بينت إن تاريخ الدوله المصريه القديمه اقدم من اللى كان معروف، واتفقوا على إن تاريخ الدوله المصريه بدأ من الفتره ما بين 2691 و 2626 قبل الميلاد، و إن الدوله المصريه الحديثه بدإت ما بين 1570 و 1544 قبل الميلاد.

                                     

1. الانجازات

كتير من الانجازات اللى حققها المصريين شملت نظام الرياضيات ، والمحاجر ، والمسح و طرق البنا اللى سهلت بنا الاهرامات والمعابد والمسلات الضخمة ، و الخزف و الازاز و التكنولوجيا ، وعملية فعالة لنظام الطب ، وأشكال جديدة من الادب ، و نظم الرى و اساليپ الانتاج الزراعي ، واقدم معاهدة سلام.

كل الانجازات دى سابت لمصر ميراث دايم من: الفن والعمارة و الاثار و اتقلدت فى كل العالم ، و ألهمت خيال الكتاب والرحاله من قرون. الاحترام الجديد للحضارة المصرية وصل لبداية الحفريات الحديثة و للدراسة العلمية وتقدير أكبر لتراث المصريين الثقافي لمصر و العالم.

                                     

2. التاريخ

بحلول فترة أواخر العصر الحجرى مناخ شمال افريقيا بقى بصورة متزايدة حر و جاف ، ده اجبر سكان المنطقة على التركيز على طول وادى النيل ، و بعد ما كانو من البدو الصيادين اللى كانو عايشين فى المنطقة خلال العصر الجليدى حوالى 1.8 مليون سنة بقى النيل شريان الحياة فى مصر. فيضانات النيل الخصبة ادت البشر الفرصة لتطوير الاقتصاد الزراعى و استقرار أكتر فى التطور و فى المركزية فى المجتمع اللى بقى حجر الزاوية فى تاريخ الحضارة الانسانية.

فى سنة 2010 علماء المصرولوجيا فى جامعة اكسفورد عملوا دراسات بإستخدام "كربون 14 "على 211 عينة من الاثار المصريه القديمه و قدروا انهم يتوصلوا لإن تاريخ الدوله المصريه القديمه اقدم من اللى كان معروف واتفقوا على إن تاريخ الدوله المصريه بدأ من الفتره ما بين 2691 و 2626 قبل الميلاد ، و إن الدوله المصريه الحديثه بدإت ما بين 1570 و 1544 قبل الميلاد.

                                     

3. الحكومة والاقتصاد

الفرعون كان هو الملك المطلق للبلد ، من الناحية النظرية على الاقل ، مارس السيطرة الكاملة على الارض ومواردها. الملك كانهو القائد العسكرى الاعلى ورئيس الحكومة اللى يعتمد على البيروقراطين من المسؤولين علشان إدارة شؤونه.

                                     

4. الادب

الماده الرئيسيه: الادب المصرى القديم

المصريين القدام كان عندهم اداب متنوعه منها الدينى و منها الجنزى و منها الدنيوى. لغتهم كانت مليانه بالتشبيه و الاستعاره و الجناس اللفظى. و الادب المصرى القديم من اقدم اداب العالم لكن ما وصلش للعصر الحديث الكتير منه لإنه كان متدون على ورق البردى اللى الزمن قضى عليه و اللى وصل منه ضاعت منه اجزاء. لكن اللى وصل بيبين إن الادب المصرى القديم كان ادب مميز و غنى بالمواضيع و الاساليب الفنيه وانه كان بيجمع بين القصه و القصيده و الملحمه و موضوعاته كانت بتتراوح مابين اشعار الحب و التأمل الصوفى و الاداب العامه و حكايات الابطال. فى الادب الدينى المصرى كان فيه اناشيد كتيره بتمجد الالهه و بتوصفها. من امثلة الادب الجنزى متون الاهرام ، و نصوص التوابيت ، و كتاب الاموات. و من أمثلة الادب الدنيوى حكايات و حواديت بديعه زى قصة خوفو و السحارين ، و البحار الغريق ،و الفلاح الفصيح ، و سنوهى ، و نصايح الوزير بتاح حوتب ، و الملكين مرى كارع و امنمحتب الاول ، و الحكيم امنمؤبى ، و "تحذيرات العراف ايبوود ، و "الملل من الحياه ". و جنب ده كان فيه الأغانى الجميله المليانه عواطف و حب و التمثليات الشيقه زى تمثيلية حياة اوزوريس ، و تمثيلية صراع حورس و ست.



                                     

5. العماره المصريه القديمه

العماره المصريه القديمه هى نظام البنا المصرى فى العصور الفرعونيه ، بتتسم بالمعابد و المقابر الراسخه ، و الحيطان السميكه اللى مافيهاش فتحات كتيره ، و اللى بتغطيها رسومات و نقوش و كتابات هيروغليفيه ملونه. طراز البنا المصرى القديم فيه مهابه و عظمه و بيأثر فى نفس اللى بيشوفه. من اشهر العماير دى الاهرامات و معبد الكرنك و الدير البحرى معبد ابو سمبل.

Users also searched:

مصر القديمه,

...
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →